Lavdet e mëngjesit

E kremtja e Trinisë së Shenjtë

 

E diela I pas Rrëshajëve

 

FTESA

 

D O Zot, hapi buzët e mia.

C Dhe goja ime do të kumtojë lavdet e tua.

 

Ant. Ejani ta adhurojmë një të vetmin Hyj të vërtetë: Atin, Birin dhe Shpirtin Shenjt.

 

   Psalmi 95 /94/

 

   Grishje për të lavdëruar Hyjin

 

   Nxitni njëri-tjetrin dita-ditës deri sa të zgjasë kjo “Sot” (Heb 3, 13).

 

Ejani t'i këndojmë Zotit, *

   t'i brohorasim Hyjit, Shëlbuesit tonë.

T'i dalim para me falënderje, *

   t'i këndojmë këngë hareje!

 

Ant. Ejani ta adhurojmë një të vetmin Hyj të vërtetë: Atin, Birin dhe Shpirtin Shenjt.

 

Sepse Hyj i madhërishëm është Zoti, *

   Mbret i madhërueshëm mbi të gjithë zotat!

Sepse në dorën e tij janë thellësitë e tokës, *

   të tijat janë edhe majat e maleve,

i tiji është deti ‑ ai e krijoi, *

   duart e tija e formuan tokën.

 

Ant. Ejani ta adhurojmë një të vetmin Hyj të vërtetë: Atin, Birin dhe Shpirtin Shenjt.

 

Ejani ta adhurojmë, të biem përmbys para tij, *

   të biem në gjunjë para Zotit që na krijoi!

Sepse ai është Hyji ynë,

   ne jemi populli i kullosës së tij, *

   grigja që ai ruan.

 

Ant. Ejani ta adhurojmë një të vetmin Hyj të vërtetë: Atin, Birin dhe Shpirtin Shenjt.

 

Oh sikur ta ndienit sot zërin e tij: *

   “Mos e bëni zemrën tuaj gur porsi në Meribë,

porsi në ditë të Masës në shkretëtirë, †

   kur etërit tuaj më vunë në sprovë: *

   më provuan megjithëse i kishin parë veprat e mia.

 

Ant. Ejani ta adhurojmë një të vetmin Hyj të vërtetë:

   Atin, Birin dhe Shpirtin Shenjt.

 

Dyzet vjet më mërziti ajo brezni †

   e thashë: 'Popull zemërluhatshëm është ky, *

   që s'i njeh udhët e mia.'

Prandaj u përbetova në hidhërimin tim: *

   'Askurrë s'do të hyjnë në prehjen time!'”

 

Ant. Ejani ta adhurojmë një të vetmin Hyj të vërtetë: Atin, Birin dhe Shpirtin Shenjt.

 

Lavdi Atit e Birit *

   e Shpirtit Shenjt,

si ka qenë në fillim, *

   ashtu tash e përgjithmonë e jetës. Amen.

 

Ant. Ejani ta adhurojmë një të vetmin Hyj të vërtetë: Atin, Birin dhe Shpirtin Shenjt.

 

E kremtja e Trinisë së Shenjtë

 

E diela I pas Rrëshajëve

 

Lavdet e mëngjesit

 

V. Hyj, më eja në ndihmë!

P. O Zot, shpejto të më ndihmosh!

 

V. Lavdi Atit e Birit e Shpirtit Shenjt,

P. si ka qenë në fillim,

   ashtu tash e përgjithmonë e jetës. Amen. Aleluja.

 

   Himni

 

   Trini e Shenjtë që shkëlqen në fron t’epër,

   kënga e lavdisë për ty qoftë e përjetshme,

   që me dashuri të zjarrtë mban thellësitë

   e zemrës sonë.

 

   Fuqi jetëdhënëse, o Atë, krijuesi i sendeve,

   ata që i bën pjesëtarë të jetës tënde

   jepi dhe pamjes vazhdimisht të fitojnë

   dhuntitë e fesë.

 

   Bardhësi e pasqyrë e dritës s’amshuar

   o Bir, ata që i quan e i bashkon vëllezër,

   na bëj të qëndrojmë shermende të gjelbra

   të hardhisë tënde.

 

   Dashuri, zjarr, mëshirë, me dritë të fuqishme

   e përkëdhelëse që drejton krijesat,

   o Shpirti i Shenjtë, mendjet përtërij e ngrohi

   brendësitë e zemrës.

 

   Mikpritëse e ëmbël, Trini pritëse lutjesh,

   na lidh me dashurinë e zgjedhës tënde,

   vazhdimisht deri sa të këndojmë himnet

   e të gëzojmë ty.

 

   Ose himni i Mbrëmësores I apo një këngë e miratuar nga autoritetet kishtare.

 

Ant. 1 Ty të qoftë nderi dhe pushteti, ty lavdia në shekuj, o e Shenjta Trini.

 

Psalmi 63 /62/ (2-9)

 

Shpirti i etshëm për Hyjin

 

   Kisha ka etje për Shëlbuesin e vet, me dëshirë që të shuajë etjen në burimin e ujit të gjallë që rrjedh për jetën e pasosur (Krh. Cassiodoro).

 

O Hyj, Hyji im je ti, qysh në agim të kërkoj. *

   Ka etje për ty shpirti im,

ty të dëshiron mishi im, *

   si toka e shkretë, e thatë, e paujë,

 

kështu erdha në Shenjtëroren tënde *

   për ta parë fuqinë tënde e lavdinë tënde.

Sepse më e mirë është dashuria jote se jeta: *

   buzët e mia do të të lavdërojnë.

 

Kështu do të të bekoj në jetën time *

   e në Emrin tënd do t’i lartësoj duart e mia,

do të ngihem si në gosti të shkëlqyeshme, *

   me buzë të hareshme do të të lavdërojë goja ime.

 

Ty do të të kujtoj edhe në shtratin tim, *

   në përgim natën do të mendoj për ty,

sepse ti je bërë ndihma ime, *

   prandaj do të brohoras nën hijen e krahëve të tu!

 

Shpirti im u mbështet në ty, *

   e djathta jote më merr për dore.

 

Lavdi Atit e Birit *

   e Shpirtit Shenjt,

si ka qenë në fillim, *

   ashtu tash e përgjithmonë e jetës. Amen.

 

Ant. 1 Ty të qoftë nderi dhe pushteti, ty lavdia në shekuj, o e Shenjta Trini.

 

Ant. 2 Të gjitha krijesat e tua të japin lavdi ty, o Trini e Shenjtë.

 

Kënga Dan 3, 57-88. 56

 

   Çdo krijesë le ta lavdërojë Zotin

 

   Lavdëroni Hyjin tonë, të gjithë shërbëtorët e tij! (Zb 19, 5).

 

Bekojeni, të gjitha veprat e Zotit, Zotin, *

   lëvdojeni dhe madhërojeni në shekuj!

Bekojeni, engjëjt e Zotit, Zotin, *

   bekojeni, o qiej, Zotin.

 

Ujëra që jeni përmbi qiell, bekojeni Zotin, *

   të gjitha ju, o fuqi, bekojeni Zotin.

Diell e hënë, bekojeni Zotin, *

   yjet e qiellit, bekojeni Zotin.

 

Të gjitha shirat e vesa, bekojeni Zotin, *

   të gjitha ju, o erëra, bekojeni Zotin.

Zjarr e nxehtësi, bekojeni Zotin, *

   acar e vapë, bekojeni Zotin.

 

Vesë e brymë, bekojeni Zotin, *

   akull e cegëm, bekojeni Zotin.

Breshra e borëra, bekojeni Zotin, *

   net e ditë, bekojeni Zotin.

 

Dritë e errësirë, bekojeni Zotin, *

   vetëtima e re, bekojeni Zotin.

Toka e bekoftë Zotin, *

   lëvdojeni e madhërojeni në shekuj!

 

Bekojeni, o male e kodra, Zotin, *

   bekojeni Zotin, të gjitha bimësitë e tokës.

Dete e lumenj, bekojeni Zotin, *

   bekojeni, burime, Zotin.

 

Përbindësh e gjithçka lëviz në ujëra,

   bekojeni Zotin, *

   të gjithë shpendët e qiellit, bekojeni Zotin.

Kafshë të egra e shtëpiake, bekojeni Zotin, *

   bijtë e njeriut, bekojeni Zotin.

 

Bekoje, o Izrael, Zotin, *

   lëvdojeni e madhërojeni në shekuj!

Priftërinjtë e Zotit, bekojeni Zotin, *

   shërbëtorët e Zotit, bekojeni Zotin.

 

Shpirtra e frymë të të drejtëve, bekojeni Zotin, *

   shenjtër e të përvujtë në zemër, bekojeni Zotin.

Anani, Azari, Misael, bekojeni Zotin, *

   lëvdojeni e madhërojeni në shekuj!

 

Të bekojmë Atin e Birin e Shpirtin Shenjt; *

   ta lëvdojmë e ta madhërojmë në shekuj

I bekuar je ti, o Zot, në kupën qiellore, *

   i lavdishëm e i madhërueshëm në shekuj!

 

   Në fund të kësaj kënge nuk thuhet Lavdí Atit.

 

   2 Të gjitha krijesat e tua të japin lavdi ty, o Trini e Shenjtë.

 

Ant. 3 Gjithçka vjen prej teje, o Hyj, me anë të fjalës sate gjithçka jeton në ty, lavdi ty në shekuj të shekujve.

 

Psalmi 149 (1-9)

 

Festa e miqve të Zotit

 

   Bijtë e Kishës, bijtë e popullit të ri le të galdojnë në mbretin e tyre që është Krishti (Esichio).

 

Këndoni Zotit një këngë të re, *

   këndoni lavdi në mbledhjen e shenjtërve!

Le t’i gëzohet Izraeli Krijuesit të vet, *

   bijtë e Sionit t’i brohorasin Mbretit të vet!

 

Le ta lavdërojnë Emrin e tij në valle, *

   le t’i bien në nder të tij tupanit e citarës,

sepse Zoti kënaqet në popullin e vet, *

   të përvujtët i nderon me shëlbim.

 

Le të galdojnë të drejtët në lumturi, *

   le të brohorasin nga shtrojat e veta!

E paçin lavdinë e Zotit në gojë, *

   e shpatën dytehëshe në dorë!

 

Për të marrë shpagim mbi paganë, *

   për t’u dhënë popujve ndëshkim,

për t’i lidhur mbretërit e tyre në pranga, *

   princat e tyre në zinxhirë të hekurt,

 

për ta zbatuar mbi ta dënimin kaherë të shkruar: *

   - ky është nder për të gjithë besnikët e tij.

 

Lavdi Atit e Birit *

   e Shpirtit Shenjt,

si ka qenë në fillim, *

   ashtu tash e përgjithmonë e jetës. Amen.

 

3 Gjithçka vjen prej teje, o Hyj, me anë të fjalës sate gjithçka jeton në ty, lavdi ty në shekuj të shekujve.

 

   Leximi i shkurtër 1 Kor 12, 4-6

   Dhuratat janë të ndryshme, por Shpirti Shenjt është i njëjtë ‑ edhe shërbesat në përhapje të Ungjillit janë të ndryshme, por Zoti është i njëjtë ‑ po edhe mënyrat e veprimit janë të ndryshme, por Hyji është i njëjtë ‑ Ai bën gjithçka në të gjithë.

 

   Përgjigjja e shkurtër

 

   C Ty të qoftë lumturia, ty të qoftë lavdia,

   * o e Shenjtërueshmja Trini.

   Ty të qoftë lumturia, ty të qoftë lavdia,

   o e Shenjtërueshmja Trini.

   D Ty falënderimi në shekuj,

   o e Shenjtërueshmja Trini.

   Lavdi Atit e Birit e Shpirtit Shenjt.

   Ty të qoftë lumturia, ty të qoftë lavdia,

   o e Shenjtërueshmja Trini.

 

   Kënga ungjillore (Benedictus Lk 1, 68-79)

 

Ant. Qoftë bekuar Trinia e Shenjtë, që e krijon dhe e sundon gjithësinë, qoftë bekuar tani e përgjithmonë.

 

Qoftë bekuar Zoti, Hyji i Izraelit, *

   që e pa dhe e shpërbleu popullin e vet!

 

Ai e ngriti Shpëtimtarin tonë *

   në shtëpinë e Davidit, shërbëtorit të vet,

 

sikurse premtoi kaherë *

   me gojë të profetëve të tij të shenjtë:

 

se do të na shpëtojë prej armiqve tanë *

   dhe prej dorës së të gjithë atyre që na urrejnë;

 

se do të bëjë mirësinë që ua premtoi etërve tanë *

   e do t'i bjerë në mend Besëlidhja e tij e shenjtë

 

e betimi që bëri në të mirën e Abrahamit, atit tonë *

   se do të na e bëjë të mundshme t'i shërbejmë pa frikë,

 

të çliruar nga duart e armikut *

   në shenjtëri e drejtësi para tij

   për çdo ditë të jetës sonë.

 

E ti, o djalosh, do të quhesh profet i të Tejetlartit, *

   sepse do të shkosh përpara Zotit

   për t'ia përgatitur udhët,

 

për ta vënë në dijeni popullin e tij *

   se Hyji do ta shëlbojë duke ia falur mëkatet e tija,

 

në saje të zemrës së dashur të Hyjit tonë *

   që do të na e dërgojë në pasi prej qiellit Diellin,

 

për të shndritur ata që gjenden në errësirë

   dhe në hijen e vdekjes, *

   për t'i drejtuar hapat tanë në udhën e paqes.“

 

Lavdi Atit e Birit *

   e Shpirtit Shenjt,

si ka qenë në fillim, *

   ashtu tash e përgjithmonë e jetës. Amen.

 

Ant. Qoftë bekuar Trinia e Shenjtë, që e krijon dhe e sundon gjithësinë, qoftë bekuar tani e përgjithmonë.

 

Lutjet e besimtarëve

 

Ta adhurojmë e ta bekojmë Atin, Birin dhe Shpirtin Shenjt parimin dhe burimin e çdo të mire dhe në klithje falënderimi të themi:

 

   Lavdi Atit e Birit e Shpirtit Shenjt.

 

Atë i Shenjtë, ne nuk dinim si të lutemi, e ti na dërgove Shpirtin Shenjt

— bëj që të na ndihmojë në ligështitë tona, dhe të lutet për ne ashtu siç dëshiron ti.

Bir i Hyjit, ti e ke lutur Atin, që Kishës sate t’i dërgojë Mbrojtësin

— bëj që të mbetet përgjithmonë me ne për të pohuar të vërtetën.

Eja, o Shpirt Shenjt, dhe na i dhuro frytet e shenjtërisë sate:

— dashurinë, gëzimin, paqen, duresën, mirësinë, zemërgjerësinë, butësinë, besnikërinë, përkormërinë dhe pastërtinë.

Atë i gjithëpushtetshëm, në zemrat tona dërgove Shpirtin tënd i cili gërthet: Abba, o Atë

— bëj të veprojmë nëpër atë Shpirt, dhe të bëhemi trashëgimtarë të tu, dhe bashkëtrashëgimtarë të Krishtit.

O Jezu Krisht, ti e dërgove Mbrojtësin që rrjedh prej Atit, për të të dëshmuar ty para njerëzve

— bëj që të shndritur nga e vërteta e tij, të dëshmojmë haptazi Ungjillin tënd.

 

   Ati ynë, që je në qiell, u shenjtëroftë emri yt. Ardhtë mbretëria jote, u bëftë vullnesa jote, si në qiell ashtu në tokë.

   Bukën tonë të përditshme, na e jep sot, na i fal fajet tona si i falim ne fajtorët tanë, e mos na lër të biem në tundim, por na liro nga i Keqi. Amen.

 

   Lutja

 

   O Hyj Atë, ti e ke dërguar në botë Birin tënd, Fjalën e së Vërtetës dhe Shpirtin shenjtërues për t’u zbuluar njerëzve misterin e jetës sate, bëj, që me dëshmimin e besimit të vërtetë, ta njohim lavdinë tënde dhe ta adhurojmë Një të Vetmin Hyj në Tri Veta. Nëpër Zotin.

 

Përfundimi i Orës sikurse në Shërbesën e rëndomtë.