Lavdet e mëngjesit
Java e dytë e kreshmëve – e hënë
Lavdet e mëngjesit
Ftesa
D O Zot, hapi buzët e mia.
C Dhe goja ime do t’i kumtojë lavdet e tua.
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Psalmi 95 /94/ Grishje për të lavdëruar Hyjin
Nxitni njëri-tjetrin dita-ditës deri sa të zgjasë kjo “Sot” (Heb 3, 13).
Ejani t'i këndojmë Zotit, *
t'i brohorasim Hyjit, Shëlbuesit tonë.
T'i dalim para me falënderje, *
t'i këndojmë këngë hareje!
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Sepse Hyj i madhërishëm është Zoti, *
Mbret i madhërueshëm mbi të gjithë zotat!
Sepse në dorën e tij janë thellësitë e tokës, *
të tijat janë edhe majat e maleve,
i tiji është deti ‑ ai e krijoi, *
duart e tija e formuan tokën.
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Ejani ta adhurojmë, të biem përmbys para tij, *
të biem në gjunjë para Zotit që na krijoi!
Sepse ai është Hyji ynë,
ne jemi populli i kullosës së tij, *
grigja që ai ruan.
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Oh sikur ta ndienit sot zërin e tij: *
“Mos e bëni zemrën tuaj gur porsi në Meribë,
porsi në ditë të Masës në shkretëtirë, †
kur etërit tuaj më vunë në sprovë: *
më provuan megjithëse i kishin parë veprat e mia.
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Dyzet vjet më mërziti ajo brezni †
e thashë: 'Popull zemërluhatshëm është ky, *
që s'i njeh udhët e mia.'
Prandaj u përbetova në hidhërimin tim: *
'Askurrë s'do të hyjnë në prehjen time!'”
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. Ejani ta adhurojmë Krishtin Zot: ai për ne vuajti tundimin dhe vdekjen.
Ose:
Ant. Dëgjojeni sot zërin e Zotit: mos e bëni zemrën tuaj gur.
Java e dytë e kreshmëve – e hënë
Lavdet e mëngjesit
V. Hyj, më eja në ndihmë!
P. O Zot, shpejto të më ndihmosh!
V. Lavdi Atit e Birit e Shpirtit Shenjt,
P. si ka qenë në fillim,
ashtu tash e përgjithmonë e jetës. Amen.
Kjo hyrje nuk përdoret kur Lavdet fillojnë me Ftesë.
Himni
Tashmë, Krisht, diell drejtësie,
të çahet errësira e mendjes,
të kthejë drita e virtytshme,
që mbi tokë përtërin ditën.
Duke dhënë kohën e duhur,
jepi zemrës ti pendimin,
pasi mirësia jote
i dhuron edhe mëshirimin.
Një farë pendese jepna,
të durojmë për zbutje fajesh,
sado që janë të mëdhaja,
më e madhe është mëshira jote.
Po afrohet dita jote,
me të cilën ndrit çdo gjë,
me hirin tënd hyjnor
të gëzohemi të përtërirë.
Ty gjithësia e sendeve,
të adhuroftë, Trini e mëshirshme.
Të përtërirë me anë të faljes,
të këndojmë një këngë të re. Amen.
Ant. 1 Shpirti im ka etje për Hyjin e gjallë: kur do ta shoh fytyrën e tij.
Psalmi 42 /41/ (2-12) Dëshira për Zotin dhe për tempullin e tij
Kush është etshëm, le të vijë; kush do, le ta marrë ujin e jetës falas (Zb 22, 17).
Sikurse dreri i dëshiron *
burimet e ujërave të gjalla,
po ashtu shpirti im *
të dëshiron ty, o Hyj!
Shpirti im ka etje për Hyjin, për Hyjin e gjallë: *
oh, e kur do të shkoj e do të dal para fytyrës së Hyjit?!
Lotët e mi janë buka ime ditë e natë, *
ndërsa më thonë për çdo ditë: »Ku është Hyji yt?«
Mallëngjehet shpirti im kur më bie ndërmend †
si shtegtoja në krye të turmës, *
- si prijës - drejt banesës së Hyjit
me brohori e këngë lavdi *
në procesion kremtues!
Përse, o shpirti im, lëngon në trishtim? *
Përse gjëmon në mua?
Shpreso në Hyjin, prapë do ta lëvdoj, *
Shëlbuesin tim, Hyjin tim.
Shpirti im është në pikëllim, †
prandaj ty të kujtoj *
nga dheu i Jordanit, i Hermonit, nga mali Misar.
Humnera thërret humnerën *
me ushtimën e ujërave të tua,
të gjitha vorbullat e valët e tua *
kaluan përmbi mua.
Ditën Zoti ma dërgon hirin e vet, †
natën kënga e tij me mua: *
uratë Hyjit të jetës sime.
Do t’i them Hyjit: *
»Qeta ime, pse më harron?
Përse endem i trishtuar, *
prej armiqsh i rrethuar?«
Edhe eshtrat më thërrmohen prej trishtimit †
për shkak të armiqve të mi *
që më thonë përditë: »Ku është Hyji yt?«
Përse, o shpirti im, lëngon në trishtim? *
Përse gjëmon në mua?
Shpreso në Hyjin, prapë do ta lëvdoj, *
Shëlbuesin tim, Hyjin tim.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. 1 Shpirti im ka etje për Hyjin e gjallë: kur do ta shoh fytyrën e tij.
Ant. 2 Tregoje, o Zot, dritën e faljes sate.
Kënga Sir 36, 1-6. 13-16 Lutja për popullin e shenjtë të Zotit
E kjo është jeta e pasosur: që të njohin ty, një të vetmin Hyjin e vërtetë, dhe atë që dërgove, Jezu Krishtin (Gjn 17, 3).
Ki mëshirë për ne, o Hyji i gjithësisë, *
dhe përshkoji me frikën tënde të gjithë paganët *
Ngrite dorën tënde mbi kombet e huaja *
që ta shohin pushtetin tënd.
Sikurse në sytë e tyre na u dëftove neve i shenjtë, *
ashtu në sytë tanë dëftohu i madh ndaj tyre,
që ta kuptojnë, siç e kuptuam edhe ne, *
se s'ka tjetër Hyj përveç teje, o Zot.
Përtërij shenjat e përsëriti mrekullitë, *
jepi lavdi dorës dhe forcoje krahun e djathtë,
Bashkoji të gjitha fiset e Jakobit, *
ktheju pronat si në fillim.
Ki mëshirë për popullin tënd
që quhet me emrin tënd, *
për Izraelin që e bëre të parëlindurin tënd.
Ki dhimb për Qytetin tënd të shenjtë, *
për Jerusalemin, vendin e pushimit tënd.
Mbushe Sionin me madhërinë tënde *
e me lavdinë tënde Tempullin tënd.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. 2 Tregoje, o Zot, dritën e faljes sate.
Ant. 3 I bekuar je ti, o Zot, në lartësitë qiellore.
Psalmi 19 /18 A/ (2-7) Himn Hyjit krijues
Hyji na e dërgoi në pasi prej qiellit Diellin... për t'i drejtuar hapat tanë në udhën e paqes (Lk 1, 78. 79).
Qiejt e shpallin lavdinë e Hyjit, *
kupa qiellore kumton veprat e duarve të tija!
Dita ditës ia përsërit këtë gjë *
e nata natës ia sjell këtë të vërtetë.
E, pra, nuk është fjalë as zhumhur të të foluri, *
po as zë që do të mund të dëgjohet,
megjithëse nëpër tokë i shpërndahet jehona, *
diçka si fjalë arrin deri në skaj të botës!
Diellit në to ia ngrehu tendën: †
del dielli si dhëndër nga dhoma martesore, *
thua vigani pash më pash i bie sheshit!
Në njërin skaj të qiellit lindjen e ka, †
udha e tij kapet në skajin tjetër, *
asgjë s’mund t’u fshihet rrezeve djegëse të tija.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. 3 I bekuar je ti, o Zot, në lartësitë qiellore.
Leximi i shkurtër Fu 19, 17. 20-23
I huazon Zotit, kush ka mëshirë për skamnorin, e Zoti do ta shpërblejë. Dëgjoje këshillin e pranoje disiplinën që të jesh i urtë në ditët e tua të fundit. Shumë sendërgjime ka në zemrën e njeriut, por bëhet ashtu si është vullneti i Zotit. Mirësia është ajo që e bën njeriun të duhet, më i mirë është skamnori se gënjeshtari. Frika e Zotit shpie në jetë, dhe kush është plot me të s'ka pse e druan të keqen.
Përgjigjja e shkurtër
C Kush e ndihmon vëllain, e shpëton * dhe ndihmon Krishtin.
Kush e ndihmon vëllain, e shpëton dhe ndihmon Krishtin.
D Nëse i jep të varfrit, nuk vuan nga uria,
dhe ndihmon Krishtin.
Lavdi Atit e Birit e Shpirtit Shenjt.
Kush e ndihmon vëllain, e shpëton dhe ndihmon Krishtin.
Kënga ungjillore (Benedictus Lk 1, 68-79)
Ant. Duani dhe falni sikurse edhe Ati juaj, thotë Zoti.
Qoftë bekuar Zoti, Hyji i Izraelit, *
që e pa dhe e shpërbleu popullin e vet!
Ai e ngriti Shpëtimtarin tonë *
në shtëpinë e Davidit, shërbëtorit të vet,
sikurse premtoi kaherë *
me gojë të profetëve të tij të shenjtë:
se do të na shpëtojë prej armiqve tanë *
dhe prej dorës së të gjithë atyre që na urrejnë;
se do të bëjë mirësinë që ua premtoi etërve tanë *
e do t'i bjerë në mend Besëlidhja e tij e shenjtë
e betimi që bëri në të mirën e Abrahamit, atit tonë *
se do të na e bëjë të mundshme t'i shërbejmë pa frikë,
të çliruar nga duart e armikut *
në shenjtëri e drejtësi para tij
për çdo ditë të jetës sonë.
E ti, o djalosh, do të quhesh profet i të Tejetlartit, *
sepse do të shkosh përpara Zotit
për t'ia përgatitur udhët,
për ta vënë në dijeni popullin e tij *
se Hyji do ta shëlbojë duke ia falur mëkatet e tija,
në saje të zemrës së dashur të Hyjit tonë *
që do të na e dërgojë në pasi prej qiellit Diellin,
për të shndritur ata që gjenden në errësirë
dhe në hijen e vdekjes, *
për t'i drejtuar hapat tanë në udhën e paqes.“
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. Duani dhe falni sikurse edhe Ati juaj, thotë Zoti.
Lutjet e besimtarëve
I bekuar qoftë Zoti Atë, i cili na e dha mundësinë që në këtë kohë të kreshmëve t'ia paraqesim flinë e lavdit. Ta thërrasim me fjalët:
O Zot, na forco në mësimin qiellor.
O Zot i gjithëpushtetshëm dhe i mëshirshëm, na e jep shpirtin e lutjes dhe të ikjes nga e keqja
— që të digjemi nga dashuria për Ty dhe për njerëz.
Bëj që të bashkëpunojmë me Ty për ripërtëritjen e çdo gjëje në Krishtin Jezus
— dhe në këtë mënyrë bota të mbushet me drejtësi dhe paqe.
Na e zbulo kuptimin e brendshëm dhe vlerën e çdo krijese
— që duke të lavdëruar Ty, të bashkohemi me të gjitha krijesat për Të madhëruar Ty, Krijuesin dhe Shëlbuesin tonë.
Na fal o Zot, sepse praninë e Krishtit nuk e kemi njohur tek të varfrit dhe tek të sëmurët
— dhe kështu nuk e kemi nderuar Birin tënd në vëllezërit tanë.
Ati ynë, që je në qiell, u shenjtëroftë emri yt. Ardhtë mbretëria jote, u bëftë vullnesa jote, si në qiell ashtu në tokë.
Bukën tonë të përditshme, na e jep sot, na i fal fajet tona si i falim ne fajtorët tanë, e mos na lër të biem në tundim, por na liro nga i Keqi. Amen.
Lutja
O Hyj, ti përcakton pendesën trupore për mjekim shërues të shpirtit, bëj të agjërojmë prej çdo mëkati, që shpirti ynë t’i zbatojë urdhërimet e dashurisë sate. Nëpër Zotin.
Përfundimi i Orës, sikurse në Shërbesën e rëndomtë.