Lavdet e mëngjesit

24 qershor Lindja e Shën Gjon Pagëzuesit

 

Lavdet e mëngjesit

 

Ftesa

 

V. O Zot, hapi buzët e mia!

P. E goja ime do të shpall lavdinë tënde!

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Psalmi 95 /94/

 

Grishje për të lavdëruar Hyjin

 

      Nxitni njëri-tjetrin dita-ditës deri sa të zgjasë kjo “Sot” (Heb 3, 13).

 

Ejani t'i këndojmë Zotit, *

      t'i brohorasim Hyjit, Shëlbuesit tonë.

T'i dalim para me falënderje, *

      t'i këndojmë këngë hareje!

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Sepse Hyj i madhërishëm është Zoti, *

      Mbret i madhërueshëm mbi të gjithë zotat!

Sepse në dorën e tij janë thellësitë e tokës, *

      të tijat janë edhe majat e maleve,

i tiji është deti ‑ ai e krijoi, *

      duart e tija e formuan tokën.

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Ejani ta adhurojmë, të biem përmbys para tij, *

      të biem në gjunjë para Zotit që na krijoi!

Sepse ai është Hyji ynë,

      ne jemi populli i kullosës së tij, *

      grigja që ai ruan.

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Oh sikur ta ndienit sot zërin e tij: *

      “Mos e bëni zemrën tuaj gur porsi në Meribë,

porsi në ditë të Masës në shkretëtirë, †

      kur etërit tuaj më vunë në sprovë: *

      më provuan megjithëse i kishin parë veprat e mia.

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Dyzet vjet më mërziti ajo brezni †

      e thashë: 'Popull zemërluhatshëm është ky, *

      që s'i njeh udhët e mia.'

Prandaj u përbetova në hidhërimin tim: *

      'Askurrë s'do të hyjnë në prehjen time!'”

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Lavdi Atit e Birit *

      e Shpirtit Shenjt,

si ka qenë në fillim, *

      ashtu tash e përgjithmonë e jetës. Amen.

 

Ant. Ta adhurojmë Jezusin, Qengjin e Hyjit, të cilin e shpalli Gjoni.

 

Lavdet e mëngjesit

 

V. Hyj, më eja në ndihmë!

P. O Zot, shpejto të më ndihmosh!

 

V. Lavdi Atit e Birit e Shpirtit Shenjt,

P. si ka qenë në fillim,

   ashtu tash e përgjithmonë e jetës. Amen. (K. P. aleluja).

 

   Kjo hyrje nuk përdoret kur Lavdet fillojnë me Ftesë

 

      Himni

 

      O shumë i lumtur nga shpërblimi i qiellit,

      që njollë nuk njeh n’pastri të bardhë si bora,

      banues shkretie e martir i pamposhtur,

      n’profetë më i madhi.

 

      Tridhjetë kunora zbukurojnë një palë

      fituar me flije, ca të tjerë dyfishi,

      tri herë nga qind shumëzuar prodhimi i tyre

      ty, i shenjtë, stolisin.

 

      Tash i pushtetshëm për merita t’pasura (t’majme)

      gurët e rëndë t’krahrorit tonë larg flaki,

      duke sheshuar udhën e vrazhdë, drejtoji

      shtigjet plot leqe.

 

      Që autori i mirë i botës dhe shëlbues,

      mendjeve t’pastra nga zymti e goditur

      drejt të denjohet duke ardhë për t’vënë

      hapa (ecje) të shenjtë.

 

      Banorët e qiellit madhërojnë me lavde

      ty, Zot i thjeshtë e baras në tre vetë;

      edhe ne lutës të kërkojmë ty falje

      mëshiro t’shpërblyerit. Amen.

 

      Ose Himni tjetër apo një këngë e miratuar nga autoriteti kishtar.

 

Ant. 1 Gjon është emri i tij: lindja e tij do të jetë gëzim për shumëkënd.

 

   Psalmi 63 /62/ (2-9)

 

Shpirti i etshëm për Hyjin

 

   Kisha ka etje për Shëlbuesin e vet, me dëshirë që të shuajë etjen në burimin e ujit të gjallë që rrjedh për jetën e pasosur (Krh. Cassiodoro).

 

O Hyj, Hyji im je ti, qysh në agim të kërkoj. *

   Ka etje për ty shpirti im,

ty të dëshiron mishi im, *

   si toka e shkretë, e thatë, e paujë,

 

kështu erdha në Shenjtëroren tënde *

   për ta parë fuqinë tënde e lavdinë tënde.

Sepse më e mirë është dashuria jote se jeta: *

   buzët e mia do të të lavdërojnë.

 

Kështu do të të bekoj në jetën time *

   e në Emrin tënd do t’i lartësoj duart e mia,

do të ngihem si në gosti të shkëlqyeshme, *

   me buzë të hareshme do të të lavdërojë goja ime.

 

Ty do të të kujtoj edhe në shtratin tim, *

   në përgim natën do të mendoj për ty,

sepse ti je bërë ndihma ime, *

   prandaj do të brohoras nën hijen e krahëve të tu!

 

Shpirti im u mbështet në ty, *

   e djathta jote më merr për dore.

 

Lavdi Atit e Birit *

   e Shpirtit Shenjt,

si ka qenë në fillim, *

   ashtu ashtu tash e përgjithmonë e jetës. Amen.

 

Ant. 1 Gjon është emri i tij: lindja e tij do të jetë gëzim për shumëkënd.

 

Ant. 2 Do të ecë para Krishtit, me shpirtin dhe fuqinë e Elisë, që t’i përgatitë Zotit një popull të shenjtë.

 

Kënga Dan 3, 57-88. 56

 

   Çdo krijesë le ta lavdërojë Zotin

 

   Lavdëroni Hyjin tonë, të gjithë shërbëtorët e tij! (Zb 19, 5).

 

Bekojeni, të gjitha veprat e Zotit, Zotin, *

   lëvdojeni dhe madhërojeni në shekuj!

Bekojeni, engjëjt e Zotit, Zotin, *

   bekojeni, o qiej, Zotin.

 

Ujëra që jeni përmbi qiell, bekojeni Zotin, *

   të gjitha ju, o fuqi, bekojeni Zotin.

Diell e hënë, bekojeni Zotin, *

   yjet e qiellit, bekojeni Zotin.

 

Të gjitha shirat e vesa, bekojeni Zotin, *

   të gjitha ju, o erëra, bekojeni Zotin.

Zjarr e nxehtësi, bekojeni Zotin, *

   acar e vapë, bekojeni Zotin.

 

Vesë e brymë, bekojeni Zotin, *

   akull e cegëm, bekojeni Zotin.

Breshra e borëra, bekojeni Zotin, *

   netë e ditë, bekojeni Zotin.

 

Dritë e errësirë, bekojeni Zotin, *

   vetëtima e re, bekojeni Zotin.

Toka e bekoftë Zotin, *

   lëvdojeni e madhërojeni në shekuj!

 

Bekojeni, o male e kodra, Zotin, *

   bekojeni Zotin, të gjitha bimësitë e tokës.

Dete e lumenj, bekojeni Zotin, *

   bekojeni, burime, Zotin.

 

Përbindësh e gjithçka lëviz në ujëra,

   bekojeni Zotin, *

   të gjithë shpendët e qiellit, bekojeni Zotin.

Kafshë të egra e shtëpiake, bekojeni Zotin, *

   bijtë e njeriut, bekojeni Zotin.

 

Bekoje, o Izrael, Zotin, *

   lëvdojeni e madhërojeni në shekuj!

Priftërinjtë e Zotit, bekojeni Zotin, *

   shërbëtorët e Zotit, bekojeni Zotin.

 

Shpirtra e frymë të të drejtëve, bekojeni Zotin, *

   shenjtër e të përvujtë në zemër, bekojeni Zotin.

Anani, Azari, Misael, bekojeni Zotin, *

   lëvdojeni e madhërojeni në shekuj!

 

Të bekojmë Atin e Birin e Shpirtin Shenjt; *

   ta lëvdojmë e ta madhërojmë në shekuj

I bekuar je ti, o Zot, në kupën qiellore, *

   i lavdishëm e i madhërueshëm në shekuj!

 

   Në fund të kësaj kënge nuk thuhet Lavdí Atit.

 

Ant. 2 Do të ecë para Krishtit, me shpirtin dhe fuqinë e Elisë, që t’i përgatitë Zotit një popull të shenjtë.

 

   Ant. 3 E ti, o foshnjë, do të jesh profeti i Tejetlartit: do të ecësh para Zotit për t’i bërë gati udhët e tija.

 

Psalmi 149 (1-9)

 

Festa e miqve të Zotit

 

   Bijtë e Kishës, bijtë e popullit të ri le të galdojnë në mbretin e tyre që është Krishti (Esichio).

 

Këndoni Zotit një këngë të re, *

   këndoni lavdi në mbledhjen e shenjtërve!

Le t’i gëzohet Izraeli Krijuesit të vet, *

   bijtë e Sionit t’i brohorasin Mbretit të vet!

 

Le ta lavdërojnë Emrin e tij në valle, *

   le t’i bien në nder të tij tupanit e citarës,

sepse Zoti kënaqet në popullin e vet, *

   të përvujtët i nderon me shëlbim.

 

Le të galdojnë të drejtët në lumturi, *

   le të brohorasin nga shtrojat e veta!

E paçin lavdinë e Zotit në gojë, *

   e shpatën dytehëshe në dorë!

 

Për të marrë shpagim mbi paganë, *

   për t’u dhënë popujve ndëshkim,

për t’i lidhur mbretërit e tyre në pranga, *

   princat e tyre në zinxhirë të hekurt,

 

për ta zbatuar mbi ta dënimin kaherë të shkruar: *

   - ky është nder për të gjithë besnikët e tij.

 

Lavdi Atit e Birit *

   e Shpirtit Shenjt,

si ka qenë në fillim, *

   ashtu tash e përgjithmonë e jetës. Amen.

 

Ant. 3 E ti, o foshnjë, do të jesh profeti i Tejetlartit: do të ecësh para Zotit për t’i bërë gati udhët e tija.

 

      Leximi i shkurtër Mal 3, 23-24

 

      Ja, unë do t’ju dërgoj profetin Eli para se të vijë Dita e Zotit e madhe edhe e tmerrshme. Ai do ta kthejë zemrën e etërve kah të bijtë e zemrat e bijve kah etërit e tyre, që kur të vij, të mos e godas vendin me mallkim.

 

      Përgjigjja e shkurtër

 

      C I madh në sytë e Zotit,

      * do të jetë i mbushur me Shpirtin Shenjt.

      I madh në sytë e Zotit,

      do të jetë i mbushur me Shpirtin Shenjt.

      D Do t’i përgatitë Krishtit një popull të gatshëm:

      do të jetë i mbushur me Shpirtin Shenjt.

      Lavdi Atit e Birit e Shpirtit Shenjt.

      I madh në sytë e Zotit,

      do të jetë i mbushur me Shpirtin Shenjt.

 

      Kënga ungjillore (Benedictus Lk 1, 68-79)

 

      Ant. Zakarisë iu kthyen fjalët dhe profetizoi duke thënë: Qoftë Bekuar Zoti, Hyji i Izraelit.

 

Qoftë bekuar Zoti, Hyji i Izraelit, *

   që e pa dhe e shpërbleu popullin e vet!

 

Ai e ngriti Shpëtimtarin tonë *

   në shtëpinë e Davidit, shërbëtorit të vet,

 

sikurse premtoi kaherë *

   me gojë të profetëve të tij të shenjtë:

 

se do të na shpëtojë prej armiqve tanë *

   dhe prej dorës së të gjithë atyre që na urrejnë;

 

se do të bëjë mirësinë që ua premtoi etërve tanë *

   e do t'i bjerë në mend Besëlidhja e tij e shenjtë

 

e betimi që bëri në të mirën e Abrahamit, atit tonë * se do të na e bëjë të mundshme t'i shërbejmë pa frikë,

 

të çliruar nga duart e armikut *

   në shenjtëri e drejtësi para tij

   për çdo ditë të jetës sonë.

 

E ti, o djalosh, do të quhesh profet i të Tejetlartit, *

   sepse do të shkosh përpara Zotit

   për t'ia përgatitur udhët,

 

për ta vënë në dijeni popullin e tij *

   se Hyji do ta shëlbojë duke ia falur mëkatet e tija,

 

në saje të zemrës së dashur të Hyjit tonë *

   që do të na e dërgojë në pasi prej qiellit Diellin,

 

për të shndritur ata që gjenden në errësirë

   dhe në hijen e vdekjes, *

   për t'i drejtuar hapat tanë në udhën e paqes.“

 

   Lavdi Atit e Birit *

   e Shpirtit Shenjt,

si ka qenë në fillim, *

   ashtu tash e përgjithmonë e jetës. Amen.

 

Ant. Zakarisë iu kthyen fjalët dhe profetizoi duke thënë: Qoftë Bekuar Zoti, Hyji i Izraelit.

 

      Lutjet e besimtarëve

 

Me besnikëri t’ia drejtojmë lutjen Krishtit i cili e dërgoi pararendësin Gjonin që t’i përgatitë rrugën:

 

    Diell i drejtësisë, eja dhe na ndriço

 

Krisht, ti bëre që Gjoni në kraharorin e Elizabetës të kërcejë nga gëzimi

—    bëj që edhe ne përherë t’i gëzohemi ardhjes sate.

Me fjalën dhe jetën e Gjon Pagëzuesit na tregove rrugën e kthimit

—    na i kthe zemrat tona sipas urdhërimeve të mbretërisë sate.

Deshe që një njeri t’ia shpallte ardhjen tënde njerëzve

—    dërgo në mbarë botën kumtues të Ungjillit tënd.

Deshe që Gjoni të të pagëzonte në lumin Jordan që të plotësohej plani i Hyjit

—    bëj që edhe ne të bashkëpunojmë në vendosjen e drejtësisë së mbretërisë sate.

 

      Ati ynë, që je në qiell, u shenjtëroft emri yt. Ardhtë mbretëria jote, u bëftë vullnesa jote, si në qiell ashtu në tokë.

      Bukën tonë të përditshme, na e jep sot, na i fal fajet tona si i falim ne fajtorët tanë, e mos na lër të biem në tundim, por na liro nga i Keqi. Amen.

 

      Lutja

 

      O Hyj, ti e dërgove shën Gjonin Pagëzues që ta përgatiste popullin për ardhjen e Mesisë Zot; dhuroja Kishës sate gëzimin shpirtëror dhe drejtoje shpirtin e të gjithë besimtarëve udhës së shëlbimit e të paqes. Nëpër Zotin.

 

      Përfundimi i Orës sikurse në Shërbesën e rëndomtë.