Mbrëmësorja
Java e tretë e Pashkëve – E Diel
Mbrëmësorja I
V. Hyj, më eja në ndihmë!
P. O Zot, shpejto të më ndihmosh!
V. Lavdi Atit e Birit e Shpirtit Shenjt,
P. si ka qenë në fillim,
ashtu tash e përgjithmonë e jetës. Amen. Aleluja!
Himni
Në darkë të Qengjit parafolës,
të bardhë e me rrobë shpëtimi,
pasi u shfaq Deti i Kuq,
t’i këndojmë Krishtit kryeprinc.
Trupi i tij krejt i shenjtë
në altar të kryqit i flijuar,
duke shijuar dhe gjakun
ne në Zotin për të jetuar.
Mbrojtur në mbrëmje të Pashkës
nga engjëlli i shfarosjes,
u çliruam nga zgjedha
e Faraonit të egër.
Tash Pashka jonë është Krishti,
Edhe Qengji që u vra pa faj;
që për ne flijoi trupin
me pastërti të ndorme.
O fli e denjë dhe e çiltër,
nga e cila u shemb ferri,
turma e robëruar çlirohet,
vlerat e jetës po kthehen.
Ngrihet Krishti Zot prej varrit,
kthehet fitues nga humnera,
tiranin e vë ndër pranga,
dhe hap dyert e parajsës.
Përherë ti rrofsh ndër mendje,
o Krisht, gëzimi i Pashkëve,
dhe me hir të rilindur
në triumfin tënd bashkona.
Jezus, Ty të qoftë lavdia,
që shndrit me mundje të vdekjes,
bashkë me Atin e me Shpirtin
ndër gjithë shekujt burim jete. Amen.
(Në vend të himnit mund të këndohet një këngë e miratuar nga autoritetet kishtare e që i përshtatet kohës)
Ant. 1 I madhërueshëm mbi qiejt është Zoti: nga llomi e lartëson të vobektin, aleluja.
Psalmi 113 /112/ (1-9)
Lavdërojeni emrin e Zotit
I rrëzoi princat prej froneve të tyre e i lartësoi të përvuajturit (Lk 1, 52).
Lavdërojeni, shërbëtorët e Zotit, *
lavdërojeni, Emrin e Zotit!
Qoftë bekuar Emri i Zotit *
qysh tash e deri në amshim,
Që kur lind dielli e derisa perëndon *
qoftë bekuar Emri i Zotit!
I madhërueshëm është Zoti mbi të gjithë popujt, *
lavdia e tij i tejkalon qiejt
Kush është si Zoti, Hyji ynë, †
që fronin e ka në Lartësi, *
e nga lart vrojton qiellin e tokën?
Nga pluhuri e ngre skamnorin, *
nga llomi e lartëson të vobektin
për ta vënë të rrijë me princa, *
me princat e popullit të vet.
Ai bën të banojë beronja në shtëpi të vet *
nënë fëmijësh të gëzueshme.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. 1 I madhërueshëm mbi qiejt është Zoti: nga llomi e lartëson të vobektin, aleluja.
Psalmi 116 /115/ (10-19) Falënderim në tempull
Me anë të tij (Krishtit) t'i kushtojmë vazhdimisht Hyjit fli lavdie (Heb 13, 15).
Besoj edhe atëherë kur më duhet të them: *
»Jam i pafat për së tepërmi!«.
Në hutimin tim kam thënë: *
»Rrenacak është çdo njeri!«
Si do t’ia shpërblej Zotit *
për të gjitha të mirat që m’i ka dhënë?
Do të ngre gotën e shëlbimit *
e me nderim do të thërras Emrin e Zotit.
Do t’i kryej kushtet e mia bërë Zotit *
në praninë e mbarë popullit të tij.
E çmueshme është para Zotit *
vdekja e shenjtërve të tij.
O Zot, unë jam shërbëtori yt, †
shërbëtori yt dhe biri i shërbëtores sate. *
Ti i këpute hekurat e mi:
ty do të ta kushtoj flinë e lavdit, *
me nderim do të thërras Emrin e Zotit.
Do t’i kryej kushtet e mia bërë Zotit *
në praninë e mbarë popullit të tij,
në oborret e Shtëpisë së Zotit, *
midis teje, o Jerusalem!
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. 2 Ti, o Zot, i këpute hekurat e mi: ty do të ta kushtoj flinë e lavdit, aleluja.
Ant. 3 I dëgjueshëm Atit në vuajtjen e tij, Krishti, Biri i Hyjit, u bë shpëtim për çdo njeri që i shkon pas, aleluja.
Kënga Fil 2, 6-11 Krishti, shërbëtor i Hyjit
Krishti Jezus, edhe pse me natyrë Hyj, *
barazinë e vet me Të
nuk e çmoi si një visar që s’mundet pa të,
por ia mohoi vetvetes *
e mori natyrën e shërbëtorit
dhe u bë i ngjashëm me njerëz
dhe, për kah pamja e jashtme, *
dukej vetëm njeri.
E përuli vetveten
duke u bërë i dëgjueshëm deri në vdekje,*
mu deri në vdekje në kryq.
Prandaj edhe Hyji e lartësoi tesve *
dhe i dha Emrin që është mbi çdo emër
që në Emër të Jezusit të përkulet çdo gju *
i atyre që janë në qiell, në tokë e në nëntokë
dhe çdo gjuhë të dëshmojë: *
‘Jezu Krishti është Zot!’
Në nder të Hyjit Atë.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant. 3 I dëgjueshëm Atit në vuajtjen e tij, Krishti, Biri i Hyjit, u bë shpëtim për çdo njeri që i shkon pas, aleluja.
Leximi i shkurtër 1 Pjt 2, 9-10
Ju jeni: Fis i zgjedhur, meshtari mbretërore, komb i shenjtë, popull që Hyji e fitoi për vete, për t’i shpallur veprat e madhërueshme të Atij që ju thirri nga errësira në dritën e vet të mrekullueshme. Ju që dikur nuk ishit Popull e tani jeni Populli i Hyjit, ju që dikur ishit të përjashtuar nga mëshira, e që tani e keni fituar mëshirën.
Përgjigjja e shkurtër
C Rri me ne, o Zot, * aleluja, aleluja.
Rri me ne, o Zot, aleluja, aleluja.
D Tashmë po bëhet natë.
aleluja, aleluja.
Lavdi Atit e Birit e Shpirtit Shenjt.
Rri me ne, o Zot, aleluja, aleluja.
Kënga ungjillore (Magnificat Lk 1, 46-55)
Viti A:
Ant. Rri me ne, o Zot, se u bë natë e dita po shkon në të sosur, aleluja.
Viti B:
Ant. Në Krishtin do të shkojë në vend gjithçka u shkrua për të në Ligjin e Moisiut, në Profetët e në Psalme, aleluja.
Viti C:
Ant. Nxënësi, të cilin Jezusi e donte, i tha Pjetrit: “ Është Zotëria!”. Aleluja.
Shpirti im e madhëron Zotin, *
shpirti im me hare i brohorit Hyjit, Shëlbuesit tim,
sepse shikoi me pëlqim mbi shërbëtoren e vet të përvujtë: *
qe se, që tani të gjitha breznitë do të më quajnë të lumtur,
sepse punë të mëdha bëri për mua Hyji i gjithëpushtetshëm *
‑ i shenjtë është Emri i tij!
Mëshira e tij brezni më brezni *
për ata që e druajnë.
E tregoi fuqinë e krahut të vet: *
hodhi poshtë qëllimet e krenarëve,
i rrëzoi princat prej froneve të tyre *
i lartësoi të përvujtët.
Me të mira i mbushi ata që s'kishin ç'të hanë
të pasurit i nisi duarthatë.
I ndihmoi Izraelit, shërbëtorit të vet,
duke e sjellë në mend mëshirën
‑ si ua pati premtuar etërve tanë *
në të mirën e Abrahamit e të pasardhësve të tij në amshim.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Viti A:
Ant. Rri me ne, o Zot, se u bë natë e dita po shkon në të sosur, aleluja.
Viti B:
Ant. Në Krishtin do të shkojë në vend gjithçka u shkrua për të në Ligjin e Moisiut, në Profetët e në Psalme, aleluja.
Viti C:
Ant. Nxënësi, të cilin Jezusi e donte, i tha Pjetrit: “ Është Zotëria!”. Aleluja.
Lutjet e besimtarëve
Ta përshëndesim dhe ta thërrasim Krishtin, jetën dhe të ngjallurit tonë:
Bir i Hyjit të gjallë, mbroje popullin tënd.
O Zot Jezu Krisht, të lutemi për Kishën katolike
— shenjtëroje në të vërtetën që të mbjellë mbretërinë tënde në mesin e të gjithë popujve.
Të lutemi për ata që vuajnë për shkak të shtypjes, të varfërisë dhe të urisë
— jepu të gjithëve forcë dhe ndihmë.
Po të lutemi për ata që u larguan nga ti
— bëj që ta shijojnë ëmbëlsinë e faljes sate.
Shëlbuesi ynë, që u kryqëzove e u ngjalle
— ki mëshirë për ne kur të vish për ta gjykuar botën.
Të lutemi për miliarda njerëz që jetojnë mbi faqen e tokës
— dhe për ata që prej nesh u ndanë me shpresën e ngjalljes.
Ati ynë, që je në qiell, u shenjtëroftë emri yt. Ardhtë mbretëria jote, u bëftë vullnesa jote, si në qiell ashtu në tokë.
Bukën tonë të përditshme, na e jep sot, na i fal fajet tona si i falim ne fajtorët tanë, e mos na lër të biem në tundim, por na liro nga i Keqi. Amen.
Lutja
Le të galdojë përherë, o Hyj, populli yt sepse ti ia përtërive rininë e shpirtit. Ti na e ktheve denjësinë e bijve të Hyjit, na forco në shpresën e lume se do të ngjallemi. Nëpër Zotin.
Përfundimi i Orës, sikurse në Shërbesën e rëndomtë.