Mbrëmësorja
22 korrik, Shën Maria Magdalenë
Lutjet e mbrëmjes
V. Hyj, më eja në ndihmë!
P. O Zot, shpejto të më ndihmosh!
V. Lavdi Atit e Birit e Shpirtit Shenjt,
P. si ka qenë në fillim,
ashtu tash e përgjithmonë e jetës. Amen.
Himni
O grua e lumtur, ylli i Magdalës,
ty nderojmë t’gjithë me kultin e devotshëm,
që Krishti vetë u lidh me ty me besën
e fortë dashnie.
Kur zu në ty pushteti i tij të shfaqet
duke dëbue me tmerr fuqitë e djajve,
me fe më t’madhe ti gëzon të lidhesh
me atë që kryen nderet.
Nga këtu varet në ty forca shtytëse
që të qëndrosh me ngulm te kambët e Mjeshtrit
gjithnjë atë duke e shoqruar zellshëm
me kujdes t’flakët.
Ti vajton Hyjin, dhe me aht te Kryqi
i qëndron pranë me përkushti e ndezur,
ti i ter gjymtyrët tërë dashni dhe e lyen
pa iu nda varrit.
Ata që i lindi dashuria e Krishtit,
na bëj për jetë t’u jemi shokë n’triumfe,
edhe të Dashurit tërësisht së bashku
t’i thurim lavdet. Amen.
Ant. 1 Jezusi e pyeti Marinë Magdalenë: pse po qan, moj fisnike? Kë po kërkon?
Psalmi 122 /121/ (1-9)
Përshëndetje Jerusalemit
Seç u gëzova kur më thanë: *
»Eja të shkojmë në Shtëpinë e Zotit!«
Ja, tashmë këmbët tona shkelën *
në dyert e tua, o Jerusalem!
O Jerusalem, qytet i ndërtuar me mjeshtëri, *
thuaj se i tëri një cope të vetme je!
Atje ngjiten fiset, fiset e Zotit, †
sipas rregullores në Izrael *
për të kremtuar Emrin e Zotit.
Atje janë selitë e gjykatores së drejtësisë, *
selitë e shtëpisë së Davidit!
Lutuni për paqen e Izraelit: *
»U priftë e mbara atyre që të duan ty!
Mbretëroftë paqja në muret e tua *
dhe qetësia në pirgjet e tua!«
Për dashuri ndaj vëllezërve e miqve të mi *
do të them: »Paqja me ty!«
Për dashuri ndaj Shtëpisë së Zotit, Hyjit tonë, *
do të lutem t’i kesh të gjitha të mirat!
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen
Ant. 1 Jezusi e pyeti Marinë Magdalenë: Pse po qan, moj fisnike? Kë po kërkon?
Ant. 2 E morën Zotërinë tim e nuk di ku e vunë.
Psalmi 127 /126/ (1-5)
Nëse Zoti nuk e ndërton shtëpinë, *
kot mundohen ata që e ndërtojnë.
Nëse Zoti nuk e ruan qytetin, *
kot rri zgjuar ai që e ruan.
Kot e keni të çoheni para drite *
dhe vonë të shkoni në pushim,
ju që e hani bukën e mundit: *
të dashurve të vet u jep edhe në gjumë.
Ja: bijtë janë dhuratë e Zotit, *
fryti i barkut është shpërblimi i tij.
Porsi shigjetat në dorën e trimit *
të tillë janë djemtë e rinisë.
Lum ai burrë që e mbushi kukurrën me të tillë: *
s’do të turpërohet kur të fjaloset me armiq në log.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen
Ant. 2 E morën Zotërinë tim e nuk di ku e vunë.
Ant. 3 Jezusi i ringjallur e thirri: Mari! Ajo u kthye e i tha: Mësues!
Kënga Krh. Ef 1, 3-10
Qoftë bekuar Hyji.*
Ati i Zotit tonë Jezu Krishtit,
i cili na bekoi me çdo bekim shpirtëror *
në qiell në Krishtin.
Në Të na zgjodhi *
para krijimit të botës
që të jemi të shenjtë e të papërlyer *
para Tij në dashuri.
Ai na parashënoi për vete *
të jemi bij në shpirt
në saje të Jezu Krishtit *
me pëlqimin e vullnetit të vet
për nder të lavdisë së hirit të tij *
me të cilin na pajisi me anë të të Dashurit:
në Të, në saje të gjakut të tij, *
e fituam shpërblimin;
në Të na u falën fajet *
me anë të begatisë së hirit të tij,
të cilin Hyji e ndikoi në ne *
bashkë me çdo urti e kuptim.
Ai na vuri në dijeni *
mbi misterin e vullnetit të vet
synim që lirisht kishte vendosur *
qysh më parë ta kryente në Të
kur të plotësohej koha: *
të vërë çdo gjë
nën kryesinë e Krishtit,
të gjithë qenësitë *
që janë në qiell e në tokë.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen
Ant. 3 Jezusi i ringjallur e thirri: Mari! Ajo u kthye e i tha: Mësues!
Leximi Leximi i shkurtër Rom 8, 28-30
Ne e dimë se Hyji në gjithçka bashkëpunon me ata që e duan, me ata që, me vendimin e tij, janë të thirrur. Sepse, ata që ka njohur që më parë, ata edhe i paracaktoi të jenë të ngjashëm me Birin e vet, kështu që Biri i tij të jetë vëllai i parë në mes të shumë vëllezërve. Ata që i paracaktoi, ata edhe i grishi; ata që i grishi, ata edhe i shfajësoi, ata që i shfajësoi, ata edhe i lavdëroi.
Përgjigjja e shkurtër
C Mari, mos qaj: * Zoti u ngjall prej të vdekurve.
Mari, mos qaj: Zoti u ngjall prej të vdekurve.
D Shko e shpallu vëllezërve të mi:
Zoti u ngjall prej të vdekurve.
Lavdi Atit e Birit e Shpirtit Shenjt.
Mari, mos qaj: Zoti u ngjall prej të vdekurve.
Kënga ungjillore (Magnificat Lk 1, 46-55)
Ant. Maria shkoi që t’u shpallte apostujve: E pashë Zotërinë, aleluja.
Shpirti im e madhëron Zotin, *
shpirti im me hare i brohorit Hyjit, Shëlbuesit tim,
sepse shikoi me pëlqim mbi shërbëtoren e vet të përvujtë: *
qe se, që tani të gjitha breznitë do të më quajnë të lumtur,
sepse punë të mëdha bëri për mua Hyji i gjithpushtetshëm *
‑ i shenjtë është Emri i tij!
Mëshira e tij brezni më brezni *
për ata që e druajnë.
E tregoi fuqinë e krahut të vet: *
hodhi poshtë qëllimet e krenarëve,
i rrëzoi princat prej froneve të tyre *
i lartësoi të përvujtët.
Me të mira i mbushi ata që s'kishin ç'të hanë
të pasurit i nisi duarthatë.
I ndihmoi Izraelit, shërbëtorit të vet,
duke e sjellë në mend mëshirën
‑ si ua pati premtuar etërve tanë *
në të mirën e Abrahamit e të pasardhësve të tij në amshim.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen
Ant. Maria shkoi që t’u shpallte apostujve: E pashë Zotërinë, aleluja.
Lutjet e besimtarëve
Me ndërmjetësinë e çmueshme të të gjithë shenjtërve dhe shenjtëreshave të qiellit t’i lutemi Zotit:
Le të të bjerë ndër mend për Kishën tënde, o Zot.
Për hir të martireve të shenjta, që me forcë të krishterë mundën vdekjen,
— jepi Kishës sate, që gjendet në mes të vuajtjeve dhe vështirësive, fuqinë e Shpirtit tënd.
Për të gjitha ato që u shenjtëruan me hirin e sakramentit të martesës,
— jepi Kishës sate frytshmërinë apostolike.
Për të vejat, që e shndritën vetminë e tyre me lutje dhe me vepra dashurie,
— bëj që Kisha jote t’i dëshmojë botës fuqinë e mistershme të dashurisë dhe të lutjes.
Për nënat e shenjta, që i lindën dhe i edukuan fëmijët e tyre për një jetë të ndershme qytetare dhe për dëshminë e mbretërisë sate,
— bëj që Kisha jote t’i lindë të gjithë njerëzit në të vërtetën dhe në hirin tënd.
Për të gjitha gratë e shenjta, të cilat e merituan të kundrojnë dritën e fytyrës sate,
— bëj që vëllezërit tanë e motrat tona të vdekura ta shijojnë gëzimin e jetës së pasosur.
Ati ynë, që je në qiell, u shenjtëroft emri yt. Ardhtë mbretëria jote, u bëftë vullnesa jote, si në qiell ashtu në tokë.
Bukën tonë të përditshme, na e jep sot, na i fal fajet tona si i falim ne fajtorët tanë, e mos na lër të biem në tundim, por na liro nga i Keqi. Amen.
Lutja
O Hyj i gjithëpushtetshëm, dhe i amshuar, Jezu Krishti, Biri yt, ia besoi Marisë Magdalenë ta kumtojë e para gëzimin e Pashkëve: bëj, që edhe ne, me ndihmën e shembullin e saj, ta shpallim Krishtin e ngjallur e një ditë ta kundrojmë në lavdinë tënde. Nëpër Zotin.
Përfundimi i Orës sikurse në Shërbesën e rëndomtë.