Mbrëmësorja

16 shtator, Shën Korneli e Cipriani, martirë

MBRËMËSORJA

V. Hyj, më eja në ndihmë!

P. O Zot, shpejto të më ndihmosh!

V. Lavdi Atit e Birit e Shpirtit Shenjt,

P. si ka qenë në fillim,

ashtu tash e përgjithmonë e jetës. Amen. (K. P. aleluja).

Himni

Për nder t’shenjtërve, shokë, le të këndojmë

gëzime lavdie e bëma kreshnikie:

pse shpirti ndizet duke u thurur këngët

njerëzve ngadhënjyes.

Këta janë nga ata që u tremb bota e dobët,

pse këtë t’përtharë me lule të pafrytshme

ata e përbuzën krejt, dhe ndoqën ty,

Krisht, Mbret i mirë i qiejve.

Këta për ty duruan tmerre e tërbime:

prej tyre s’ndihen as zhurmë as ankime,

por n’zemër t’heshtur mendja e vetëdijshme

e ruan durimin.

Por cila gojë e gjuhë mund të rreshtojë

dhuntitë që ti u përgatitë martirëve?

Ata pajisen me dafina t’ndritshme

me gjak të kuq të rira.

Hyjni e vetme në tre vetë, të lutem,

të shlyesh fajet, të çlirosh prej krimesh,

skllevërve paqe e lirinë na jep neve

ndër gjithë shekujt e shekujve. Amen.

Ose një himn tjetër, apo një këngë e miratuar nga autoritetet kishtare.

Ant. 1 Sa e mrekullueshme është dija jote për mua, o Zot.

Psalmi 139 /138/ I (1-12) Zoti sheh gjithçka

Kush e njohu mendimin e Zotit? Kush iu bë Atij këshilltar? (Rom 11, 34).

O Zot, ti më shqyrton e më njeh, *

ti di kur rri e kur ngrihem,

prej së largu i njeh mendimet e mia. *

Si në shtegtoj si në pushoj, ti më vëren,

ti i di të gjitha udhët e mia. †

Pa më ardhur ende fjala në majë të gjuhës, *

dhe, ja, ti, o Zot, i njeh të gjitha!

Përpara e pas ti, o Zot, më rrethon, *

ti e ke vënë mbi mua dorën tënde.

E mrekullueshme është dija jote për mua, *

tepër e lartë, s’jam në gjendje t’ia arrij.

Ku mund të shkoj larg prej shpirtit tënd, *

ku të iki larg prej pranisë sate?

Nëse ngjitem në qiell, ti atje je, *

nëse zbres në Nëntokë, edhe aty je.

Po t’i marr krahët e agimit *

e të shkoj të banoj në skajin e detit,

edhe atje dora jote do të më përcjellë *

e do të më mbajë e djathta jote.

Në thënça: »Le të më mbulojë së paku errësira *

edhe drita natë le të bëhet mbi mua!«,

por as terri s’është aspak terr për ty †

edhe nata është si dritë e ndritshme *

- për ty errësira është porsi drita!

Lavdi Atit e Birit *

e Shpirtit Shenjt,

si ka qenë në fillim, *

ashtu tash e përgjithmonë e jetës. Amen.

Ant. 1 Sa e mrekullueshme është dija jote për mua, o Zot.

Ant. 2 Ti më njeh në thellësi të zemrës, o Zot dhe i jep çdonjërit sipas veprave të tija.

Psalmi 139 /138/ II (13-18. 23-24) O Zot, ti më shqyrton dhe më njeh

Hyji nuk është larg asnjërit prej nesh... në Të jetojmë, lëvizim e jemi (Vap 17, 27. 28).

Ti je ai që m’i krijove veshkat, *

ti më ke endur në kraharorin e nënës!

Të lavdëroj pse më krijove kaq mrekullisht, †

të mrekullueshme janë veprat e tua, *

po, shpirti im mirë e di!

Eshtrat e mi nuk të mbetën të fshehur †

kur unë po trajtohesha në fshehtësi *

i endur në thellësinë e tokës.

Ende të patrajtuar më panë sytë e tu, †

në librin tënd ishin të shkruara të gjitha ditët: *

ishin të njehura megjithëse asnjë s’ishte ende prej tyre.

Tepër të çmueshme janë për mua, e Hyj, mendimet e tua, *

e panumërueshme është shuma e tyre!

Po t’i numëroja, janë më shumë se rëra! *

Po t’iu dilja në skaj, më mbeteshe prapë ti!

Më shqyrto, o Hyj, dhe njihe zemrën time, *

më sprovo e njihi shtigjet e mia

e shiko në mos ka në mua udhë kotësie *

dhe më kthe në udhën e amshueshme.

Lavdi Atit e Birit *

e Shpirtit Shenjt,

si ka qenë në fillim, *

ashtu tash e përgjithmonë e jetës. Amen.

Ant. 2 Ti më njeh në thellësi të zemrës, o Zot dhe i jep çdonjërit sipas veprave të tija.

Ant. 3 Nëpër Krishtin gjithësia u krijua dhe çdo gjë qëndron në të.

Kënga Krh. Kol 1, 3. 12-20 Krishti, i Parëlinduri i çdo krijese,është i Parëlinduri i atyre që ngjallen prej të vdekurve.

E falënderojmë Hyjin, *

Atin e Zotit tonë Jezu Krishtit,

sepse na bëri të aftë të kemi pjesë *

në trashëgimin e shenjtërve në dritë.

Ai na nxori nga pushteti i errësirës *

dhe na kaloi në Mbretërinë e Birit të vet të dashur,

në të cilin kemi shpërblimin *

- faljen e mëkateve.

Ai është shëmbëllesa e Hyjit të papashëm, *

i Parëlinduri - para çdo krijese.

Ai është para çdo gjëje *

dhe çdo gjë qëndron në Të.

Gjithçka u krijua nëpër Të dhe për Të *

në qiell e në dhe,

çka shihet e çka nuk shihet.

Ai është Kryet e Trupit - Kishës; *

Ai është Fillimi,

i Parëlinduri ndër të vdekurit *

- që të jetë në gjithçka i Pari.

Sepse Hyjit i pëlqeu

të banojë në Të e tërë Plotësia *

dhe, me anë të Tij, gjithçka të pajtohet me të.

Në saje të Gjakut të kryqit të Tij, †

Hyji vendosi paqen me krijesat e veta *

qoftë në tokë qoftë në qiell.

Lavdi Atit e Birit *

e Shpirtit Shenjt,

si ka qenë në fillim, *

ashtu tash e përgjithmonë e jetës. Amen.

Ant. 3 Nëpër Krishtin gjithësia u krijua dhe çdo gjë qëndron në të.

Leximi i shkurtër Krh. 1 Pjt 4, 13-14

Fort të dashur, gëzohuni si pjesëtarë të mundimeve të Krishtit që edhe në Ditën e Zbulesës së lavdisë së tij të mund të galdoni me hare. Të lumët ju në qoftë se ju fyejnë për shkak të Emrit të Krishtit, sepse Shpirti i Lavdisë, i Hyjit, pushon në ju.

Përgjigjja e shkurtër

C Gëzohuni në Zotin; * galdoni, o të drejtë.

Gëzohuni në Zotin; galdoni, o të drejtë.

D Besimtarë të Zotit, brohoritni nga gëzimi;

galdoni, o të drejtë.

Lavdi Atit e Birit e Shpirtit Shenjt.

Gëzohuni në Zotin; galdoni, o të drejtë.

Kënga ungjillore (Magnificat Lk 1, 46-55)

Ant. Kisha e Krishtit nëna jonë, flijimi i martirëve të nderon!

Shpirti im e madhëron Zotin, *

shpirti im me hare i brohorit Hyjit, Shëlbuesit tim,

sepse shikoi me pëlqim mbi shërbëtoren e vet të përvujtë: *

qe se, që tani të gjitha breznitë do të më quajnë të lumtur,

sepse punë të mëdha bëri për mua Hyji i gjithëpushtetshëm *

‑ i shenjtë është Emri i tij!

Mëshira e tij brezni më brezni *

për ata që e druajnë.

E tregoi fuqinë e krahut të vet: *

hodhi poshtë qëllimet e krenarëve,

i rrëzoi princat prej froneve të tyre *

i lartësoi të përvuajturit.

Me të mira i mbushi ata që s'kishin ç'të hanë

e të pasurit i nisi duarthatë.

I ndihmoi Izraelit, shërbëtorit të vet,

duke e sjellë në mend mëshirën

‑ si ua pati premtuar etërve tanë *

në të mirën e Abrahamit e të pasardhësve të tij në amshim.

Lavdi Atit e Birit *

e Shpirtit Shenjt,

si ka qenë në fillim, *

ashtu tash e përgjithmonë e jetës. Amen

Ant. Kisha e Krishtit nëna jonë, flijimi i martirëve të nderon!

Lutjet e besimtarëve

Në orën në të cilën Krishti, mbreti i martirëve, e dhuroi jetën e vet në darkën e Pashkëve dhe në fli të përgjakur përmbi kryq, le t’i ngritet atij lavdi i Kishës:

Ne të lavdërojmë dhe të adhurojmë, o Zot.

Ne të lavdërojmë dhe të adhurojmë, o Krisht, shkaku dhe shembulli i çdo martirizimi, sepse na deshe deri në vdekje në kryq,