Ora e mesme
26 prill, Shën Maria Virgjër, Nëna e këshillit të mirë - Pajtorja e Shqipërisë
Ora e mesme
Ora e tretë
V. Hyj, më eja në ndihmë!
P. O Zot, shpejto të më ndihmosh!
V. Lavdi Atit e Birit e Shpirtit Shenjt,
P. si ka qenë në fillim,
ashtu tash e përgjithmonë e jetës. Amen. (K. P. aleluja).
Himni
Tani neve, o Shpirti i Shenjt,
një me Atin e Birin,
denjohu i gatshëm t’futesh
i reshur n’parzëm tonë.
Gojë, gjuhë, mendje, forcë, shqise
të ushtojnë duke rrëfyer,
me zjarr t’flakrojë dashtënia,
nxehtësia t’i ngrohë shokët.
Nëpër ty t’kuptojmë Atin,
të njohim edhe Birin,
ty Shpirtin e të dyve
t’besojmë në gjitha kohët. Amen.
Ora e gjashtë
Himni
Mbret i fortë, Hyj i vërtetë,
që sundon të gjitha sendet,
me ndriçim pajis mëngjesin
dhe me zjarr shkëlqen mesditën.
Shuaji flakët e shamatave,
flake zjarrin e dëmprurësve,
jepu trupave shërimin,
dhe t’vërtetën paqe zemrave.
Bëj, o Atë tërë drejtësi,
dhe ti Bir baras si Ati,
bashkë me Shpirtin Ngushëllimtar
që mbretëroni ndër gjithë shekujt. Amen.
Ora e nëntë
Himni
Hyj i gjithësisë, fuqi e qëndrueshme,
i patrandur në ty mbahesh,
kohët e dritës së përditshme
përcakton me shumë mbarësi.
Dhe gjatë netëve lësho dritën,
që jeta të mos ndërpritet,
por çmimi i vdekjes shenjte
të jetë lavdia e përjetshme.
Bëj, o Atë tërë drejtësi,
dhe, o Bir, baras si Ati,
bashkë me Shpirtin Ngushëllimtar,
të mbretëroni ndër gjithë shekujt. Amen.
Ant.1 Të një zemre në lutje, nxënësit rrinin së bashku me Marinë, nënën e Jezusit.
Psalmi 19 /18 B/ (8-13. 15)
I përsosur është Ligji i Zotit, *
shpirtin përtërin;
për t’u besuar është Dëshmia e Zotit, *
të miturve u jep dijen.
Urdhërimet e Zotit janë të drejta, *
kënaqin zemrën;
urdhri i Zotit është i qartë, *
dritë u jep syve.
E panjollë është frika e Zotit, *
nuk ndërron në shekuj të shekujve;
gjyqet e Zotit janë të vërteta, *
të gjitha njënjë të drejta.
Më të çmueshme se ari, *
se më i pastri ar,
më të ëmbla se mjalti, *
se hoja që rrjedh mjaltë.
Shërbëtori yt me kujdes i mëson: *
t’i mbash ato është fitesë e madhe.
Porse kush i heton gabimet? *
Më pastro, o Zot, prej mëkateve të fshehta,
Të pëlqefshin, o Zot, *
fjalët e gojës sime,
edhe mendimi i zemrës sime para teje, *
o Zot, Ndihmësi im e Shëlbuesi im!
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant.1 Të një zemre në lutje, nxënësit rrinin së bashku me Marinë, nënën e Jezusit.
Ant.2 U tha nëna e Jezusit: bëni ashtu si t’ju thotë Ai.
Psalmi 47 /46/ (2-10)
Duartrokitni, o popuj të gjithë, *
brohoritni Hyjit me zë gëzimi!
Sepse Hyji është i tejetlartë, i tmerrshëm, *
Mbreti i madh mbi tokën mbarë.
Popujt i vuri nën sundimin tonë, *
paganët nën këmbët tona.
Ai e rizgjodhi trashëgimin tonë për ne, *
nderin e Jakobit, të dashurit të vet.
Ngjitet Hyji me brohori, *
Zoti me zë trumbete.
Këndoni Hyjit, këndoni, *
këndoni mbretit tonë, këndoni!
Sepse Hyji është mbreti i mbarë tokës: *
këndoni këngë me mjeshtëri!
Hyji mbretëron mbi mbarë popujt, *
Hyji rri mbi fronin e vet të shenjtë.
Princat e popujve paganë bashkohen *
me popullin e Hyjit të Abrahamit,
sepse Hyjit i përkasin mburojat e botës, *
Ai është i lartësuar mbi të gjithë.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant.2 U tha nëna e Jezusit: bëni ashtu si t’ju thotë Ai.
Ant.3 I tha Zoti nënës së vet: Grua, ja biri yt! Dhe nxënësit: Ja nëna jote!
Psalmi 48 /47/ (2-15)
I madhërishëm është Zoti e tejet i lavdishëm, *
në qytetin e Hyjit tonë!
Mali i tij i shenjtë, kodrinë e bukur, *
gëzimi i mbarë botës:
Mali Sion, në veriun e skajshëm, *
Qyteti i Mbretit të madh,
Hyji në pirgjet e tija *
u tregua kështjellë e pathyeshme.
Dhe ja, u bashkuan mbretërit, *
sulmuan së bashku,
posa panë, u rrudhën, *
e, të hutuar, ikën praptazi.
Aty i kapën të dridhurat *
si dhimbjet e lindëses,
ishin si stuhia e lindjes *
që i thyen anijet e Tarsisit.
Siç kemi pas dëgjuar, tani po shohim,
në qytetin e Zotit të Ushtrive, †
në qytetin e Hyjit tonë *
- Hyji e themeloi për amshim.
Po e kujtojmë, o Hyj, mëshirën tënde *
në mesin e Tempullit tënd.
Sikurse Emri yt, o Hyj, ashtu edhe lavdia jote †
arrin deri në skajin e botës, *
e djathta jote është plot drejtësi.
Le të galdojë mali i Sionit, †
le të brohorasin qytetet e Judës *
për shkak të gjyqeve të tua!
Silluni rreth e rreth Sionit,
përshkojeni kryq e tërthor, *
numërojani kullat e tija,
vëreni mirë muret e tija, †
vëzhgoni hollë pallatet e tija *
që të mund t’i tregoni breznisë së ardhshme:
Ky është Hyji, Hyji ynë †
për amshim e në shekuj të shekujve; *
Ai na prin në amshim.
Lavdi Atit e Birit *
e Shpirtit Shenjt,
si ka qenë në fillim, *
ashtu tash e përgjithmonë e jetës. Amen.
Ant.3 I tha Zoti nënës së vet: Grua, ja biri yt! Dhe nxënësit: Ja nëna jote!
Ora e tretë
Leximi i shkurtër Sof 3, 14. 15b
Këndo hareshëm, bija e Sionit, thuaja gëzueshëm këngës, o Izrael! Gëzo e galdo me gjithë zemër, ti, bija e Jerusalemit! Mbret i Izraelit është Zoti midis teje, s’ke pse më ta druash të keqen!
D Lum ata që e dëgjojnë fjalën e Zotit
C dhe e ruajnë në zemër të pastër!
Ora e gjashtë
Leximi i shkurtër Zak 9, 9
Gëzo me gjithë shpirt, Bija e Sionit, galdo, Bija e Jerusalemit! Ja, mbreti yt, po vjen te ti: është i drejtë e Shpëtimtar, por i përvuajtur e në shpinë të gomarit, në shpinë të gaçit, zogut të gomarit!
D E madhe është lavdia e Marisë:
C e qiti në dritë Mbretin e qiellit.
Ora e nëntë
Leximi i shkurtër Jt 14, 7b
Qofsh bekuar në të gjitha tendat e Judës dhe ndër të gjithë popujt! Të gjithë ata që do ta dëgjojnë emrin tënd, do ta madhërojnë Hyjin e Izraelit.
D E bekuar je ti mbi të gjitha gratë,
C dhe i bekuar fryti i kraharorit tënd.
Lutja
O Hyj, ti na dhe për nënë Nënën e Birit tënd fort të dashur dhe figurën e saj e qite në pah me dukuri të mrekullueshme: bëj, po të lutemi, që ne, të drejtuar prej këshillave të saja, të jetojmë sipas dëshirës së Zemrës sate dhe të kemi fatin të arrijmë në mbretërinë qiellore. Nëpër Zotin.
Përfundimi i Orës sikurse në Shërbesën e rëndomtë.